::::::::::::::::::يا بيوت الشعر:::::::::::::::::::

من طرف الشيخ/7amoodi الأحد يونيو 29, 2008 10:47 am

يا بيـوت الشعـر بالله اسعفينـي
اسعفي قلبن تحـرك مـن مكانـه
حركه روعة قمـر يـا مسلمينـي
من تبين في نهـار العيـد زانـه
هو دواي وداي في تالـي سنينـي
وهو سعادة خاطري مرهف ثمانـه
راعي الوجه الحسن صافي الجبيني
جل من هو صوره سبحـان شانـه
والعيون السود كالرمـح الردينـي
والهدب من فوقها حـراس امانـه
والخدود ورود تقطـف باليدينـي
والشفايف شهد والريـق بضمانـه
ووسطها عسكر حرس متماسكيني
او كما حبـات لولـو او جمانـه
والصدر بـارز وبـه رمانتينـي
والخصر لاهتـز كنـه خيزرانـه
هي سبايب علتي حلـف اليمينـي
والدوا منها ولا احتـاج اكزخانـه
وصاحبي من طيبته دايم حزينـي
ما يعرف الكذب ودروب اللعانـه
وصاحبي لا من مشى يا سامعيني
تنبت اثـاره زهـور بكـل خانـه
وصاحبي ليتي معه في كل حينـي
ليتني له خـال ولا مـن خوانـه
لجل اشوفه دايمـن قـدام عينـي
ولجل اضمـه واتلـذذ باحتضانـه

[b]